يقول منهو مبدع بنظم الامثال مثل الجواهر صاغها بأنتظامي
يطرب لها السامع معانيها أثكال مفهومها عند الرجال الحشامي
القاف بيده كالفرس بيد خيال وماهو من اللي مايجيد الكلامي
يلعب على بحور صعيبات وجزال ويهاب نقاد الكلام الفهامي
ماقال قيفانه لاجل يأخذ المال له مبدء بين الكواصيد سامي
الله من قلب غدى فيه ولوال العين ترفض شومها للمنامي
أسهر طوال الليل والفكر مهتال وأصبح مع ربعي قليل انسجامي
وغدى دمع عيني على الوجن همال وبدل صفا دنياي عج وكتامي
واسباب مابي ماجرى لابن هذال الشيخ اخو بتله رفيع المقامي
أخوان بتله صيتهم مابه جدال تاريخهم بالمجد يبقى الوسامي
شرواه والمثله لنا عز وضلال شيوخ العراق أنظر لهم بأهتمامي
هم عزنا لاصار بالدار غربال وهم دفونا يوم الليالي العسامي
شيوخ العراق ابطال من تركة ابطال الدار بأذن الله بهم ماتظامي
متعب سطام القوم نطاح الاهوال أصبح سجين عند ناس غشامي
متعب سجين ودونه أبواب واقفال لواحسايف سجنتك بالقطامي
توسط ابن سعود يطلبك بالحال ولاجاب علم اللي يطيب مرامي
حاول انوب وارسل انوب أرجال تفاوض ولا رد منه علامي
وابن صباح بعد ذاك مرسال أطلبك لكن ماتهيا الولامي
وايضآ ابو البحرين له عدة افعال فيها انتمى عند اللوازم وزامي
وكثير ناس زايدة اصناف واشكال مابردوا جوف من الضيم حامي
لين انتخى طير السعد طيب الفال عدنان كساب العلوم الد سامي
شيخ الصخا بضيق الرخا يرخص المال ويوم اللقا يروي السيوف الضوامي
راعي الهلا يامسهلا عذب الخصال ويامصعبه لاصار يوم الزحامي
راعي الوفا وش اوصفا شم الجبال زبن الضعيف اذا حدته المضامي
عدنان لك مني تحيات واجلال يالفارس اللي ماتهاب الصدامي
عدنان ياليث لك المجد منزال حامي عرينك وانت عرب الصمامي
عدنان فعلك معجزه لكل الأجيال وجه الفلاح اللي تزيل الظلامي
عدنان تسوى لك يجي الف رجال ونايف على الف من الرجال الكرامي
عدنان لك تاريخ مشرق بالافعال ابوك قبلك سار درب العظامي
مزهر العاصي من تردى به الحال ابوك دونه انتخى بالزامي
تأريخكم تدري به كبار وأطفال انتم شيوخ مسيحين البدامي
عدنان يللي للعسيرات حلال أنت الامير المحترم والهمامي
عدنان بعتز فيك ياسقم الانذال وبهديك تقديري وجزيل إحترامي
يالشيخ وصفك مابتحصيه الأقوال المعذره ارجوك واقبل سلامي
ويرعاك من نزل تبارك والانفال بجاه الرسول الهاشمي في ختامي
************** الشاعر / منجد نعمة العذاب الشمري