قصيدتي بعنوان[شهيد كربلاء]
انـــة بعاشور مو بس تنزل دموع
ع قتل الحسين اهدومي اشككهة
قليل بحق ابو السجاد كل هاذ
رؤؤحي للحسين بنار احركهة
حزين اني بمصابك يا ابوعبدالله
الزهراء لو بجت ياناس هم حكهة
من الله احبج كربلاء حسين
الكاع البيهة ال البيت اعشكهة
اتمنى ازورك دووم يامظلوم
اوصلك وريحة كبرك اشهكهة
ال النبي حبهم بالكلب مطبوع
الله مخلي حبهم ذوق بي نكهة
كلشي نسوي مانوفي لبوالسجاد
مو بس نحزن احنا الدنيا نعلكهة
الغيرة والشجاعة للحسين اتلوك
بالعالم افن تجيب من تكهة
اذا قررت ارجع لو خلص عاشور
عيوني هناك تبجي بكربلا اتركهة
بقلم\ ابراهيم الجنابي